Ikasgaiaren
lauhilabeteko honen helburua, objektu baten eraikuntza
prozesua hasieratik bukaeraraino eramatean datza. Ideien
zirriborroetatik hasi, planoen diseinuakin jarraitu eta prototipo
baten eraikuntza burutu arte.
Arkitektoak
bere eraikinekin egiten duen moduan, ikasleak lan prozesu berdina
jarraituko du, baina kasu honetan, lanpara baten diseinuaren
prozesuarekin.
XX.
mendeko arkitekto esanguratsu askok lanparak diseinatu izan ohi
dituzte. Hauen artean, Arne
Jacobsen, Le Corbusier, Alvar Aalto,
Frank Lloyd Wright, Gerrit Rietveld, Alvaro Siza... Kurtsoko
lehen ariketa moduan, eta lanparen inguruan ezagutza zabaltzeko,
arkitektu hauen lan prozesuak aztertuko ditugu eta arkitektu bakoitzaren garaiko arkitektura-testuinguruan ulertzen saiatuko gara.
Lanpararen
diseinuaren ispiraziorako, Cristobal Balenciaga (1895-1975) getariar
moda diseinatzaile handiaren jantziak izango dira. Bere diseinuetan
oinarrituaz, bere lana ulertzen sahiatuko gara. Arkitektura munduan gaudenok, joste teknikak kontrolatu ez arren, arkitekturaren ikuspegitik jostunaren lana ulertzen saituko gara eta Balenciagak, bere diseinuetan textilekin garatu zituen bolumen ezberdinak
sortzeko teknikak aztertuko ditugu.
Garaiko
moda diseinatzaile handiek Cristobal Balenciagaren lana goraipatzen
dute. Hubert de Givenchy-k adibidez, “el arquitecto de la alta
costura” bezala definitzen zuen. Christian Dior-ek berriz, “el
Maestro de todos nosotros” izan zela zioen. Coco Chanel-ek “Gure
artean, bera da benetako couturier bakarra” zela azpimarratzen
zuen, hau da, garaiko diseinatzaile handiek ez bezala, Balenciagak
hasieratik bukaeraraino soineko bat burutzeko gai zen, diseinatu,
moztu, montatu eta josteko trebetasuna zuen. Lan prozesu guztiaren
kontrola menperatzen zuen, horregatik modaren arkitektoa bezala
ezaguna da.
Moda diseinuak eta Arkitekturak, beraien artean duten erlazio estua dela eta, Balenciagan argitzen proiektua jaio da, getariar diseinatzaile handiaren lana argituko duen proiektua!!!
